《商舖零售Sales的級數分析》 剛完成一個《零售業營運秘訣的交流會》，多謝 Helen Cheung (Che Che New York創辦人) 的實戰分享。原來零售 Sales 分5個級別 (以下是我自己的解讀，不是Helen講的)：
第一級：靚、後生、廣東話/ 普通話/英語都好， 通常都去了化妝品counter或一級名牌做sales。多數在百貨公司的入口位。人工最高，佣金也多。 底薪加佣金都成兩三萬元以上。時薪近百元。
第二級：後生、廣東話好、普通話/英語都一般ok (冇咗個靚字)，就做一般品牌的 sales。 底薪約$17000至19000，加佣金 (到target 公佣的0.5%至1.5%)。
第三級：後生，睇得下，廣東話口音歪歪哋/ 普通話好 /英語一般，就做下大眾品牌的 sales。 底薪約$12000至14000 加佣金。
第四級：廣東話/普通話/英語都一般，唔後生/一般look (you know what I mean), 就通常在百貨公司樓上6/7樓的counter 做。底薪約1.1萬，加佣，時薪約45/50元。
第五級：唔方便多形容，you know, 多數在超市/雜貨做。底薪約1萬，人工唔高也無乜佣。
人工一般佔零售業營業額的約兩成支出。每個崗位／級數都有其重要之處，知多些零售成本分析有助商舖投資及營商。
Search